拆解能源標籤　 輕鬆揀「慳電之王」！

部部電器都話慳電，唔通部部都真慳電咩？好多人都知慳電要睇能源標籤，但有幾多人識睇？

1. 能源標籤都有新舊之分

新能源效益標籤依舊分為5級，綠色第1級能源效益最高，紅色第5級則最低。

自2015年起，進口商供應的冷氣機、雪櫃及洗衣機須貼有「U1能源效益標籤」，能源效益評級收緊。以洗衣機為例，以往2至5級標籤的洗衣機，新標準下均標示為5級。

新標準下，1級能源標籤電器慳幾多電？從下圖可以看到，1級能源標籤雪櫃比5級慳電達97%，最為明顯，揀電器時一定要睇清楚：

2. 睇能源標籤計電費

比較同級電器邊款更慳電，可參考「每年耗電量」，數字愈高耗電量愈高，電費愈貴。

3. 計冷氣機效能做慳電伽利略

以冷氣機為例，「效能系數 = 製冷量／每小時耗電量」，等小編用圖中的例子同大家計一計：

比對不同冷氣機型號的效能系數，得出的數值愈高就代表愈節能，一般而言，高於3代表節能效率非常高。

效能系數愈高就代表愈節能，一般而言，高於3代表節能效率非常高。

4. 睇洗衣機要睇耗水及洗衣量

不同的電器，能源標籤內容都有不同。以洗衣機為例，7公升以下的洗衣機需備有能源標籤，標籤上會多兩項資料，包括「耗水量」及「洗衣量」。購買時宜仔細比較！