免搭棚！揀窗口式分體機又涼又安靜

夏日熱辣辣，想過透心涼夏天，等小編教你揀一部又涼又慳電的冷氣機啦！

港人最常用窗口式冷氣機，好處係安裝簡單，但窗口式冷氣機連同製冷壓縮器一齊裝喺冷氣機台，所以一定有輕微機械聲。

唔想嘈，可以揀較靜嘅分體式冷氣，冷氣機分為兩部分：室內機負責送風，室外機則處理製冷。由於要安裝室外機，安裝或維修往往需搭棚，成本分分鐘同部冷氣價錢差唔多！為咗滿足香港人需要，有唔少冷氣供應商推出「窗口式分體冷氣機」，室外機體型細小，可直接安裝係放窗口式冷氣嘅冷氣機台上，安裝容易，師傅喺室內就可完成，毋須搭棚！

睇尺數揀匹數

屋企愈大就揀愈大匹數冷氣，不過假如單位西斜，或高層、四周無建築物遮擋，單位可能會較熱，宜揀較高匹數。

想開冷氣涼浸浸又慳電，跟消委會學幾招冷氣慳電小貼士：

1）勿安裝冷氣機喺陽光直接照射地方。

2）開冷氣時拉埋窗簾降低溫度，關門窗以免走冷氣。

3）用電風扇吹勻冷氣，節省電力。

4）預設關機時間，例如睡到半夜時關機。

5）每兩周清洗隔塵網、進氣口及出風口。

最後提提你，買冷氣機時記得睇清楚標價包唔包安裝費 ，部分型號可能會額外收安裝費，選購前記得問清楚！想知道其他窗口分體式冷氣機型號，歡迎隨時到中電門市，或到「度度賞」網站睇睇，揀啱心水仲可以預約合資格技師幫你安裝。即刻致電中電節能產品及服務熱線2678 2626 了解更多啦！