冬日保暖特集 保暖家電安全慳電秘笈

冷暖空調機 

可以高角度大範圍咁送暖，兼一機兩用，冬天可送暖、夏天可製冷

大細單位都適合，有助節省地面生活空間

係最具能源效益嘅保暖產品。採用熱泵裝置嚟供暖，換熱效率極高，冷暖空調機比起同瓦數嘅電暖爐慳電50%㗎，而且慳電得嚟亦安全同慳位。

電暖氈

加溫範圍集中，放梳化、座椅或睡床使用

屬於慳電嘅保暖產品，但長時間接觸或導致燙傷，臨瞓前宜調校至低溫。

充油式暖爐、
對流式暖爐

充油式：加溫會較慢，但溫度及散熱較均勻，環境冇咁乾燥，適合需要長開暖爐嘅用家喺較大單位使用

對流式：用冷、熱空氣對流原理製暖，加溫較慢，但暖氣範圍大，適合較大單位用

均屬於偏高耗電量嘅電器，入手前要睇清楚耗電功率，使用時要用獨立插座。 
如果想喺浴室內使用電暖爐，買爐時要睇清楚防水防塵等級（IP值），防水等級最少要達到防滴標準（drip-proof，IPX1，即最後一個數至少係1），使用時機身必須同用家保持最少0.6米距離。

陶瓷暖風機、
傳統暖風機

陶瓷：加溫快，較少消耗室內空氣，暖氣範圍較狹窄，適用於較細單位

傳統：加溫快，但使用時令室內好乾燥，適合較細單位用